​Sindhiyat chha aahẹ?

[1] सिन्धियत जिंदगी जियण जो उहो खास तरीको आहे जहिमुखे शुरुआत इंसानी सभ्यता जे शुरुआती समे में सिंधु नदीअ जे किनारे ते रहण वारन असांजे अबन डाडन कयी हुयी।  
[2] सिन्धियत जिंदगी जियण जी उहा लासानी बेमिसाल तरतीब आहे जहिं में फ़ज़ीलत ऐं सामाजिक हलत खे वडी अहमियत हुअण सां गडोगडु विज्ञानं ऐं तकनीकीअ जे वापर सां गडु वकतसार मुनासिब तब्दीलीन वास्ते पूरी पूरी गुंजाइश आहे।  

[3] सिन्धियत न त सिंधु में अंधो मोहु आहे ऐं न ई अरबी लिपीअ सां चुबिड़ी पवण आहे।  भारत जे सिन्धियन वास्ते सिन्ध जी फकत ऐतिरी अहमियत आहे जो असां जे इतिहास जा केतिरा पुराणा अहमियत वारा सुफा सिन्ध सां जुड़ियल आहिन।  सिन्ध उहा एराजी आहे जेका असां जा अबा डाडा हिन्दु धर्म ते कायम रहण वास्ते छड़े आया।  

[4] सिन्धियन जे जिंदगी जियण जे तरीके मतलब सिन्धियत खे मां केतिरा भेरा *गडहु राजा* बि चवंदो आहियां छो जो असां सिन्धी पैसो कमायिण वास्ते गड़ह वांगुर मेहनत पिया कयूं ऐं जिंदगी जे सुखन भोगिण वकत असां जी हलत ऐं नज़रियो कहिं राजा खां घटि कोन आहे।  

[5] सिन्धियत जिंदगी जियण जो उहो नायब नमूनो आहे जहिं में तरकी वास्ते चाहु ऐं जज़्बो आहे। जहिं में सिक पहिनजाईप ऐं बियन जी मदद करण जी सामाजिक भावना आहे।  सिन्धियत उहा आहे जहिं में जेतिरी पैसे कमायिण  खे अहमियत आहे ओतिरी ई अहमियत मौज मेले मजलसुन सामाजिक ऐं कुटुंब जी गड़जाणिन खे आहे।  

[6] सिन्धियत में जे लोक संगीत, साहित्य ऐं  सुठे खाधे जी अहमियत आहे त वडन जे रीती रिवाजन जी पुठ भरायी कन्दे उन्हन खे कायम रखण जो जज़्बो बि आहे।  

[7] सिन्धियत उहा विचारधारा आहे जेका असां खे समझाये थी त वकतसार माहोल मूजिब शख्सी ऐं सामाजिक हलत हलन्दे बि पहिंजी कौम जो सामाजिक, धार्मिक ऐं साहित्यिक विरसो कायम रखण वास्ते कहिडा कदम ज़रूरी आहिन।

Empowerment of Sindhi’s Whatsapp Broadcast. To Join Send Your Name &City to 9559544477 on Whatsapp.